زهيريات رمضان العلي سليمان

انتو الحمى والذرى للي هوى عيني
ونتوا ياشيخي الرجا للي كصد عيني
ارجو بدعاكم انول الحور والعيني
واسكن جنات الخلد باعلى المراتب ورض
ياللي برضاكم جبر عظمي التكسر ورض
قررت اكتب شعر يرعب طغاة الارض
مازال شيخي دعالي اوكال قر عيني


يرعب جيوش الكفر لوثار هاونكم
مثل الاشاوس ولا بالعين هونكم
يالنقشبندي ادحج حيل ها ونكم
ابطال ساحه وغا فوك الجبل ورجال
وجيوش تزحف لجل نيل الشهادة ارجال
ارحام الحواير مثلكم ماتجيب ارجال
من اجل هذا السمر والبيض هاونكم



بغداد باجر تجيج جيوش كباره
مثل الزواعيج زلمها نار كباره
عافت انفسهم رخاه اوعيش كباره
صارت اسود اوحوش الغابات هابتها
وكامت تخوف عدو الله هيبتها
عهد دار السلام انعيد هيبتها
وحت انخلصنا ورانا اشبال كباره


احنه الاشاوس واهالي حروب جراره
تشهد علينه الكتب واقلام جراره
مانبجي والناس تبجي دموع جراره
وعدنا الشهاده على درب الجهاد الهام
وتحرير ارض الوطن هوى المهم الهام
لولا امريكا تعرف انا انوطي الهام
ماجان دكت علينه جيوش جراره


ياسخط رب العرش هز دارهم والها مر
وامريكا الها اجل عند خالقك والهمر
والها مثل ماجره بينا ظلم والها امر
ونرميك هي تلبسك ياثوب ياكاضي
ويهب عليك نسيم دهوك يا كاضي
من اجل ها جمعت الحجر يا كاضي
ضميتوا لزغار باجر يرجمون الهمر




احنه الاشاوس وقوة من الصلاه بينه
اهل الرساله ولا هبنه الصلابينه
شما يستهشنه العدو يلكه الصلاه بينه
وعدنه الشهاده لاجل رايه محمد دين
انقاتل المعتدي الراد يمحي الدين
كوم انهض وشوف ربعك يا صلا الدين
فكو جهنم على جموع الصلابينه


الجان سد وسند سرهم شفى عالداي
عكبو الحصيني علينه بكل وكت عداي
صدام رمز الوفا وعالغانمه عداي
والعرب وكت الوزى للقائد يشورون
وباصبعهم لحضرته وكت تحمه شورون
خل بوش يشبع قهر وخل ينتحر شارون
اشراف كل لعرب فدوة لبو عداي





راحت اشاوس ليوم الضيج عدادة
حكها عليهم نساء الحي عدادة
بحسابهم مايوم للانذال عدادة
جمال وكت الزوم الخلق تند بهم
وجباهنه بي ذكرهم دوم تنده بهم
هذوله الحكهم معادة وجميع الخلك تندبهم
تكوم القيامه وزمانك يكف عدادة



حبل الله واحد ولا نرضى بغيرو حبال
مهما المجوس جدلت لاجل الكراسي حبال
ان مات صدام يلدنو النساء حبال
صدام معدن ذهب ومن الذهب شنقه
ومن مثلو بين الزلم لمن اتحمه شنقه
يالي اشتفيتو بابو عداي وبشنقه
كل شهم صدام وزدو للرقاب احبال





بركان جنتي شعجب جمر المراجل هفت
بسوح المعارك ركضتي والكبالج هفت
ياما يمينج هوت فوك الخصيم وهفت
واليوم سيفج بغبرة بالغماد وصدة
ياربي باب الفتن عن هالبلاد اوصدة
ناديت الا اعجزت ماردتلي بس الصدة
احتلها الصليبي الردي بلاد النبايا هفت



جيش الصليبي هوة بارض العراق انهار
من حر صوابو اختلف انعاد ليلو انهار
ياما نهرناه ولاكن مايفيدو انهار
راحت فلولو شريدة وضاكت كسارة
وبين احسابو غلط وتخربط اكسارة
نبقى انكاون ولا ننطي العو كسارة
لو سال دمنا على ارض العراق انهار






مثل البراكين عالكافر يصاحب نصر
ونقاتل المعتدي ودوم القتاله نصر
عدنا توكل على ربنا العزيز ونصير
وتحيه اجلال صار النه يفتخر واكبار
ومحنه زغيرين بعيون الانام اكبار
نبقى انقاتل نسانا ازغارنا وكبار
ليما يتحقق على ايد النشامى النصر